好後悔冇買騰訊
據聞段永平長駐美國，鍾意與網友傾吓價值投資法，佢好睇好阿里巴巴及騰訊，仲話佢哋會係中國最早達到500億至1,000億美元市值嘅民營公司。
講開騰訊，段永平至今仍好後悔走漏眼冇買呢隻大牛股，記得當時騰訊股價不到8蚊，佢去拜會騰訊創辦人馬化騰，心想等股價回落先買，點知呢間公司股價升至30蚊、50蚊，依家仲升到150蚊。如果喺6蚊買入，依家就賺咗廿幾倍。
佢喺博客中有一篇文章叫《好好投資的一個理由》，佢認為慈善已成為好好投資嘅動力，仲希望賺到錢嘅人每年攞一小部分錢去幫助身邊有需要嘅人，唔好等到好似巴菲特咁有錢先開始做善事。
余絲韻