「再晴計劃」授錦囊
「再晴計劃」嘅英文名叫做「The Everbright Project」，光控嘅公司英文名同樣叫Everbright。呢盒「強力必快樂」產品好有創意，外形似足某隻牌子嘅止痛藥，最搞笑係盒上嘅字，見到個盒已經笑晒，掹到緊晒嘅神經線即刻鬆番。
光大支持嘅「再晴計劃」，主要服務中產人士及佢哋嘅家庭成員，中產人士雖然有一定收入，不過壓力亦好大，喺香港佢哋往往係最被忽視嘅一群。「再晴計劃」主要透過「正向心理」及「人生規劃」概念，喺人生不同階段例如事業發展、建立家庭等方面，支援中產人士並為佢哋建立健康生活，鼓勵凡事都應該從正面思考出發，常存感恩嘅心，知足常樂。
余絲韻