港交所（00388）早排人事變動多多，依家已逐步搵到合適嘅繼任人選，好似堪稱公司「第三把交椅」嘅集團財務總監，港交所已搵到和記港口集團財務總監黃森暉接替上手嘅詹德慈，黃森暉將於今年七月二日履新。
港交所尋日宣布，委任黃森暉出任集團財務總監兼財務及行政管理科主管，黃森暉將向集團行政總裁李小加匯報，並將出任港交所高層管理委員會成員。
黃森暉現年48歲，佢喺財務、投資銀行及會計方面有逾20年經驗，現為和記港口集團財務總監，喺任職和記港口之前，佢曾出任有線寬頻（01097）財務總監。佢亦曾於加拿大工作，早年喺多倫多嘅羅兵咸會計師事務所任會計師，之後轉投多倫多嘅加拿大豐業銀行從事企業及投資銀行工作。
余絲韻