24單親家庭共遊頌親恩

香港新移民服務協會一行約五十人日前浩浩蕩蕩抵達目的地，「我要同花花影相！」四歲的陳洛甫入場即四處奔跑，對身邊事物充滿好奇。

洛母來港僅一年多，現於超巿當兼職賺取生計，惟收入有限，鮮有與洛洛外出遊玩，今次更是二人首度踏足此地。「平時要好慳先生活到，最多都係落街行吓，佢知道有得嚟海洋公園，開心咗成個禮拜！」洛洛對熊貓更是一見鍾情，「安安同佳佳好肥，好得意，我好鍾意！」

收心意卡 眾媽咪心花怒放

十一歲的陳煜堯則對園內各種小動物大表興趣，不時舉起勝利手勢與母親拍照留念。但當被問到母親節有何表示時，煜堯則腼覥地說：「希望媽咪開開心心同健康，我唔會再欠交功課㗎喇！」

為感謝母親無微不至的照料，小朋友早前在社工協助下，秘密製作一張心意卡表達心意，一眾「媽打」接獲這份驚喜後，均綻放滿足笑容，場面溫馨。

「真係好多謝《東方日報》，畀啲媽咪同小朋友可以開心過母親節！」香港新移民服務協會活動執行主任葉偉強直言，新來港家庭缺乏社會支援，是次活動除讓基層家庭感受社會關懷外，亦有助建立良好親子關係。

陳洛：「呢度有好多動物，又有好多嘢玩，今日玩得好開心！」

袁子聰：「今日真係好開心，依家最想去睇海豚的精彩表演！」

■記者：蕭智湲、陳鉑霖　攝影：鍾麗珊