絲絲講場：蘇皇首推輪證iPhone App
窩輪發行商真係唔易做，除咗推出不同產品迎合投資者口味外，連宣傳都要做到無孔不入。尋日蘇格蘭皇家銀行（蘇皇）成為本地首間發行商推出窩輪及牛熊證iPhone應用程式，叫做「窩輪牛熊攻防」，令一眾炒輪嘅iPhone用家可快捷查閱輪證資訊，如每日輪證焦點、評論及搜尋器等。
蘇皇股票衍生工具及私人投資產品董事梁麗珊（Lisa）話，買賣輪證要緊貼市況，故推出iPhone應用程式畀投資者隨時隨地獲取輪證資訊。佢講笑話呢個iPhone應用程式最適合投資者返工時使用，因為喺公司唔方便上網，但可以偷偷咁用iPhone睇輪及炒輪喎。
余絲韻