港股日前受外圍股市拖累，作出深度調整，唔少股份亦跟隨回落。不過，也有股份成為逆市奇葩，好似北控水務（00371）在周一大跌市中，曾一度下試50日線，但在大行頻頻出手接貨底下，當日已重上20日線樓上收市。集團昨日升勢持續，雖在3元水平稍遇阻力，但大行買盤未見減少，故相信股價有力再創新高。
事實上，北控水務過去兩年業績理想，加上管理層早前又將今年水處理量目標大增55%，故集團早已成為基金新寵兒。況且，集團獲北京控股（00392）入股已逾兩年，隨時可啟動注資，因此，北水早前經已言明，今年會以購併及注資壯大規模，故在獲注入優質資產的憧憬底下，相信現價仍有上升空間。
在過去二十個交易日，大行買盤持續，好似麥格理、美林遠東及高盛亞洲於期內現身買盤就由100至134次不等。而在過去五個交易日，多間大行如摩根士丹利、大和資本及國泰君安等，更見積極儲貨。直至昨日，集團股價反彈獲進一步確認，里昂及摩根大通更只現身買貨，未見沽貨添，而且前者單日買盤更達41次，資金埋位，相信股價好快會有突破。
（小尾）