中美牛雕咁高咁大
華爾街狂牛係Di Modica八九年嘅作品，佢曾經夢想喺唔同地方都放一隻作品，包括喺莫斯科及倫敦，不過唔成事，當中國叫佢設計一隻代表中國嘅牛嗰陣，佢都好開心，不過就唔肯透露收咗幾多酬勞。
Di Modica話中國及美國嘅兩隻牛都係「咁高咁大」，高度、長度及重量都係一樣，因為佢唔想挑起城市與城市之間嘅鬥爭，不過中國呢隻牛嘅特色就係會帶啲紅色，襯番中國嘅國色，而且牛頭係傾向右而唔係向左，佢仲補充話中國呢隻狂牛要非常強壯，至可以代表強大嘅中國，咁識講嘢，唔怪得上海會搵佢幫手啦！
余絲韻