繼希臘債務問題未解決，葡萄牙又被降信貸評級，看來歐洲國家債務問題都幾嚴峻。近日美股升港股唔升，美股回少少，港股就跌到凸，咁嘅氣氛下，真係乜嘢鑊氣都無晒。雖然市場氣氛麻麻，但都仍不乏炒作目標，不過就未成到氣候，睇怕都係要等個市調整一下，吸引到新資金入市，市場氣氛先有機會好番。
港股仲係炒緊業績，去年美國電子產品需求持續回升，資金已經醒目地炒緊工業股。工業股近期炒吓炒吓漸成氣候，其實工業股一向唔當炒，如果今年交出理想業績，資金或埋位炒轉，應該值得睇好。古晨就鍾意發掘落後股，好似隻品質國際（00243），本身係做集成電路引線框，估計今年業績唔會差，股價去年十一月炒上0.5元橫行收集成半年，尋日似想向上突破，落後股唔怕追，一於向上睇0.8元，止蝕就定0.43元。
古晨