包裝愛心米贈貧戶
信銀國際上半年吸納存款嘅成績唔錯，連做食物銀行業務一樣掂。佢哋幫聖雅各福群會嘅食物銀行眾膳坊募捐，員工總共捐咗價值超過2.2萬元嘅食物，包括罐頭、即食麵、袋裝米、餅乾及食物現金券，送畀一啲低收入家庭、兒童、長者及露宿者，佢哋亦捐多1萬元畀眾膳坊買嘢食。
除咗送食物，教育亦係解決世界糧食不足嘅治本招數，信銀國際員工亦好努力教導小朋友珍惜食物。絲絲近日見到佢哋超過30名員工組成嘅義工隊，帶埋仔女參加「愛心米包裝大行動」，用咗成個朝早將一大袋白米，包裝成3公斤袋白米，再送畀貧困人士，落手落腳做完後，小朋友就知道乜嘢叫做「袋袋皆辛苦」啦。
余絲韻