運用《孫子兵法》策略
呢5本書分別係《孫子兵法》以及4本有關心理學、選擇理論、遊戲理論（Game Theory）及全球化嘅英文書。Victor覺得《孫子兵法》入面提到點樣分析局勢及速戰速決等策略，好適合運用嚟炒匯，仲講笑話，如果要睇晒全部技術性訊號，個市已經唔同晒。
Victor話所有投資都與人嘅心理相關，佢又比喻炒匯如同一場遊戲及揀男、女朋友，要識得揀、識得反應同埋去Feel吓個市；炒匯要留意各國最新形勢，當然要對全球化有所了解。
最後佢認為今年大市嘅主題係「退市」，日圓、歐元及英鎊將成為弱勢貨幣，其中英鎊有機會下試至1.4美元；強勢貨幣就有澳元、加元及金磚四國貨幣。
余絲韻