本文重點
放假自然想鬆一鬆，即使要同人逼、捱貴團費都想衝出香港！花旗香港環球個人銀行服務副總經理周永贊（Simon）都知道放假去旅行係冇得慳，農曆新年情願捱兩倍團費價錢飛咗泰國一轉，佢話難得放到長假，點都要去吓旅行調劑吓喎！
陶葆璇留港度歲
當然啦！Simon係花旗老闆之一，平時梗要坐鎮睇住成盤生意，因為佢哋今年目標人客增加一倍，咁有鴻圖偉略做老闆當然要
到實一實！嚟緊一年咁博殺，依家當然要養足精神，雖然去泰國只係3日，不過見Simon成個人好生猛，一見到絲絲仲孖住財神派朱古力，就知去旅行一定係叉電最佳辦法。
不過又未必個個都肯捱貴團費嘅，好似佢同事客戶管理總監陶葆璇（Teresa）雖然好想同囝囝去新加坡新開嘅環球影城玩，但團費要成八千幾蚊，日本團費亦好乸脷，最後決定留港過年。長假留喺屋企攤抖，都係減壓良方吖！
余絲韻