宣傳規模歷來最大

恒生中國副董事長兼行政總裁薛關燕萍話今次呢個廣告，以「圓融中外、智慧理財」做主題，用咗七個設計展現一系列理財方案，佢話成個系列會喺浦東機場一號同二號客運大樓展出，足足由年頭擺到落年尾，係恒生中國成立以嚟最大型嘅品牌廣告。

今年上海貴為世博主辦城市，浦東機場人流又日日升，聽講淨係農曆新年都有180萬人次喺浦東機場出入境，喺度賣廣告一定收唔小宣傳功效，絲絲估個廣告要擺足成年，廣告費一定乸脷。廣告位咁大，今次設計亦包括「圓融中外」、「家庭生活」、「投資產品」同「中小企業」等唔同主題，真係硬銷同軟銷都玩齊。

余絲韻