本文重點
春節前夕，輪商都會大搞花臣同散戶拜早年，剛啱轉咗新工約一個月嘅何啟聰（Ivan）就好識搞氣氛，佢依家係瑞信香港認股證及牛熊證銷售主管，佢最近邀請咗書法家即席為魚缸散戶寫揮春，一星期「行孖必」游走10家證券行，有求必應。
「期股相當、細股爆升」
Ivan話為咗唔阻住散戶，通常都係喺中午休市及收市後先會現身，加上寫揮春需時，所以每段時間只能去一家證券行，但為咗接觸更多人，佢都去咗唔同嘅行，本周總計都去咗約30間行，新年過後佢仲會安排「財神」到訪，為大家添上財氣。哇！絲絲都佩服Ivan嘅勤力，不過佢話最辛苦嘅始終係嗰位書法家。
最受散戶歡迎嘅賀年字句都比較大路，第一係「身體健康」，第二係「心想事成」，另較具創意嘅祝賀語有「期股相當」、「一買即升」及「細股爆升」。
余絲韻