本文重點
或許是抱着發達容易搵食艱難嘅想法，香港部分上市公司往往「不務正業」，只管進行炒炒賣賣賺錢，而呢股風氣原來喺央企方面仲嚴重，負責管理央企嘅國資委話，喺128家由國資委管理嘅央企之中，有超過七成企業涉足房地產業，而中央企業擁有嘅酒店數目預計更達2,500家以上，資產規模更超過1,000億元！
近年央企普遍有「投資集團」、「投資機構化」嘅傾向，對於主業以外嘅投資，好似房地產及股票投資領域往往會廣泛涉足，例如去年京滬頻頻出現嘅「地王」就可見一斑。
逾六成兼投內房
國資委話除咗保利、華潤、中房等以地產為主業嘅16家央企外，另有超過六成共多達80餘家嘅央企，亦有不同程度咁參與投資房地產。
余絲韻