派咗九年 茶客開心

佢話十蚊雖然唔算大銀碼，但最緊要「意頭好」。絲絲知道，有唔少商場連鎖店為咗吸引客人，都會趁新春派現金券，但直接送現金就好少見。梁耀進話，年初一派利是畀茶客嘅傳統已維持咗九年，去年稻香喺年初一就派咗一百萬元，今年就增加至一百三十萬元，希望茶客到稻香飲茶係皆大歡喜，又希望呢日生意旺丁又旺財。

除咗食客開心，今年稻香員工亦都喜氣洋洋，因為公司今年總共派一千五百萬花紅，相信員工聽到呢個消息會好開心，安心過「肥年」。

余絲韻