大市昨日有反彈，恒指最終升121點，挨近全日高位收市，唔少股份都乘勢向上，華能國際（00902）就是其中一隻。集團最近剛發盈喜，預計○九年公司將實現淨利潤，扭虧為盈。惜消息公布當日，華能股價不升反跌，至今未作反映。但隨着大市短期企穩反彈，屬於落後板塊的電力股，其反彈力度理應不俗。
走勢上，集團股價兩度下試4.2元水平後反彈，圖表上已營造出雙底回升之象，昨日成功重上10日及20日線，唔少大行都現身排隊吸納華能，當中以摩根士丹利及瑞銀最為積極，其現身買盤分別達253次及168次，而其餘里昂、麥格理、花旗以及法巴的現身買貨次數亦都唔少，由26至90次不等。此外，就筆者所見，亦有大行如美林遠東以及巴克萊，以掛住沽盤嚟買貨的情況出現，值得留意。
（小尾）