本文重點
貴為銀行大班夫人，通常都深居簡出，而滙豐銀行亞太區行政總裁霍嘉治嘅夫人霍君蘭，亦鮮有喺公眾場合露面，不過佢近日就為咗藝術活動頻頻現身，早幾日佢出席滙豐「香港有格」漫畫工作坊，與一眾12至18歲嘅中學生分享藝術心得。
籲實踐所學參賽
其實絲絲早兩個禮拜前已喺滙豐「香港有格」漫畫展揭幕活動上，見過身為策展人嘅霍夫人一面，記得當時霍嘉治都有現身撐場。事隔半個月，霍夫人再次出席「香港有格」活動，而參與工作坊嘅仲有本地漫畫家Stella So同埋江記。
霍夫人與同學分享時提到，藝術係一種有趣、千變萬化而又充滿活力嘅表達方式。身為「香港有格」漫畫創作比賽評審團主席嘅佢，仲呼籲同學要好好把握機會，實踐喺工作坊所學到嘅技巧，參加「香港有格」漫畫創作比賽，佢好期待收到同學嘅參賽作品。
余絲韻