本文重點
近期新股排隊登場，按慣例喺新股招股嘅前一日，例牌會開記者招待會，介紹公司業務及招股詳情。尋日原定開記招嘅三一重裝（00631），突然取消記招，公司解釋話皆因管理層路演行程「異常緊密」，而絲絲收到消息，原來佢哋嘅管理層，要喺7日之內走遍歐洲、美國及新加坡見機構投資者，惟有取消香港嘅記招，不過招股與上市時間就無變。
每逢年底就有好多新股趕搭尾班車，今次三一重裝亦特別趕急，公關公司話，三一重裝喺上月底通過上市聆訊，之後立即啟動上市前嘅工作。
踏上國際路演之旅
佢哋嘅管理層本周一喺香港做完路演，尋日傍晚時分已踏上國際路演之旅，趕搭飛機去新加坡。由於今次時間唔夠，惟有去咗路演先，所以香港嘅記者就同佢哋緣慳一面，好可能要等正式掛牌當日至有機會互相認識。
余絲韻