本文重點
康健國際（03886）主席蔡加怡（Crystal）早排辭任香港體檢（00397）執行董事，專心搞好康健嘅生意，不過呢位又靚又後生嘅主席除咗做嘢搏命之外，一向都好熱衷做善事，身為「心連心行動慈善基金」主席嘅Crystal日前仲專登去咗廣東梅縣，出席梅縣程江鎮中心小學新教學大樓嘅開幕典禮。
絲絲見到Crystal有個新Look，差啲認佢唔到，一頭短髮清爽之餘多添一份型格，加上佢着咗大會提供嘅T恤，有別於平時喺香港嘅高貴打扮。
梅縣新教學大樓開幕
講番個開幕典禮，呢座教學大樓命名為「中國女排‧心連心教學大樓」，為咗配合主題，Crystal與康健副主席曹貴子醫生仲請咗國家女排前主力成員孫玥出席開幕典禮。
當年孫玥打波嗰陣，絲絲都係佢嘅「粉絲」，孫玥自從退役後就較少露面，但佢風采依然，唔知康健會唔會考慮搵佢做代言人？
余絲韻