尋日內地雖然公布咗十月份新增貸款只得2,530億元人民幣，遠低於市場預期，不過市場反應一般，各大鑊鏟友繼續埋位炒作，資金轉向發掘落後股，股仔愈落後就愈快樂，單日升逾五成者為數亦不少，不妨多留意落後股。
弱美元之下，資源股有價，好多基金都睇好明年資源股嘅走勢，勵晶太平洋（00575）近期便積極增持了於倫敦上市嘅Kalahari股份，勵晶入股Kalahari，主要係透過對方嘅專業採礦勘探及評估技術，去幫助勵晶發掘更多有潛質礦場，而早前所持有40%權益嘅太平掌礦區，就成功鑽探出額外嘅鋅礦橫斷面，睇得出勵晶係有計劃咁去搞礦務。不過，該股股價過去幾個月其實無乜點炒過，現價仍然好落後，照計現價咁落後又唔貴，應該大有上升空間，短期博佢炒上0.3元，止蝕位一於定於0.2元。
古晨