思捷領匯人馬互交棒

心水清嘅朋友，心裏面應該立刻浮現起幾個人嘅名字，佢哋就係潘祖明、周福安、王國龍同鄭明訓。潘祖明及周福安係現任會計師公會理事，前者係政府委任嘅非業界成員，後者係來自會員選舉；至於王國龍就係前任會計師公會理事會成員。

巧合嘅係，潘祖明曾做過思捷財務總監，依家由周福安頂替；王國龍又頂替周福安做領匯首席財務總監。更蹺嘅係，潘祖明去年七月辭任思捷副主席，由領匯前主席鄭明訓接替。

講到呢度，大家或者終於可以了解到，世界原來真係好細，亦都明白到乜嘢叫做「風水輪流轉」、「凡事留一線，他朝好相見」嘅道理啦！

余絲韻