尋日上證指數狀態大勇，更曾一度衝上3,301點，雖然及後漸見回落，最終收報3,296點，全日升逾2%。受惠內地有消息指，國家啟動「金太陽」示範工程，將以財政補貼光伏發電，而最高補貼金額更可達七成之多，因此昨日太陽能設備相關股份都有不俗升幅，當中華基光電（00155）升幅最勁，全日升逾18%，而中電新能源（00735）亦升逾8%，惟及後在大市表現拖累下，升幅才稍為收窄。
上半年內地經濟復甦步伐良好，加上市場注滿熱錢，故隨着內地資金氾濫，市場亦開始談論及擔憂通脹的問題。因此有市場人士就認為，現階段可分批將資金重投實質資產上，如樓房、黃金等。上半年經濟復甦可謂大市熱炒主題之一，咁唔知，抗通脹又會否係下半年另一熱炒話題呢？
（小尾）