本文重點
尋日絲絲同信誠證券管理層食晏，佢哋嘅董事總經理劉升昂大談公司未來業務發展，又提到投資移民帶畀證券界嘅商機，當中最精彩係佢講自己嘅投資理念。佢話買股票就好似買千里馬，只要揀到一隻好嘅就可長相廝守，唔使擔心個市升升跌跌，亦唔使月月等出糧。佢仲話買股票係要勤力做功課研究，唔好盲目聽人講「冧巴」同價位，正因為做功課做得多，佢話副眼鏡愈嚟愈厚！
至於邊隻股係劉生嘅千里馬，佢就冇講喇。不過，席間佢亦曾提過港交所（00388）係好嘅股票，話證券行都要幫港交所打工，唔通呢隻就係佢嘅千里馬？
借新股孖展要趁早
新股當然唔可以唔提，近期新股熱烘烘，北京金隅（02009）勢掀入飛潮，信誠嘅基金經理王海翔就建議，如果股友們要借新股孖展，記緊要盡早同佢哋講聲，額滿即止喎。
余絲韻