本文重點
想同股神巴菲特食餐飯，隨時要畀過千萬元做慈善先得，不過NBA勁旅克利夫蘭騎士球星勒邦占士（LeBron James，外號「大帝」）就不但唔使畀錢，仲被邀請出席包括股神在內嘅超級富豪夏令營，股神更親自駕駛高球車接送，占士面子實在夠大，反映兩人友誼真是好好！
獲邀出席富豪夏令營
占士嘅籃球技術好就係人都知，點知原來佢EQ仲好，雖然身家無幾百億美元，又無讀過大學，但巴菲特及微軟蓋茨都邀請佢出席喺Idaho太陽谷舉行嘅夏令營，呢個「億萬富豪夏令營」由投行Allen & Co.舉辦，營友除咗股神和蓋茨，仲有新聞集團嘅梅鐸。
占士與股神相約喺夏令營高球場見面，揮桿打番場波，仲大面子到由股神親自駕駛高球車接送佢四圍去。其實占士同股神交往非淺，好似去年球賽開季前，就到奧馬哈與股神父女食飯，股神亦喺今年三月去克利夫蘭捧占士場。早兩月嘅巴郡股東會，大會仲播映兩人齊玩籃球嘅比賽片段。
市場人士話，聰明透頂嘅占士大可借助今次現身夏令營，增加自己曝光度，「鯉躍龍門」跳出克利夫蘭，走去「大蘋果」紐約，令名聲延至全球！
余絲韻