上周五大市一度衝破萬九點，正當個個以為二萬在望之際，大戶又大玩震倉，古晨當時已經提醒大家要小心。其實自上周三起，好多股仔都開始乏力，結果昨日大市跌穿萬八點時，好多股仔回吐幅度都幾深，還好是尾市略有反彈，究竟大市升浪是否完結，古晨難以解答，不過小心駛得萬年船，現時入市應謹慎為上。
雖說市場氣氛差咗，但都要諗吓點搵食，早前隻華基光電（00155）突然玩供股，每兩股供一股，而且供股價低至0.08元。集團主要生產光伏太陽能電池，近期內地要大搞環保能源，華基光電可以講係食正條水，今次供股分明係想增強資本去擴充生產。
宣布供股後，股價連跌三日沽壓已消化得七七八八，供股在即，幕後當然要做番好個勢啦，短期又係易升難跌，月底將截止過戶，不妨現價買番少少去供股，唔排除有意外驚喜。
古晨