本文重點
「Sell in May and go away」呢個講法雖然有歷史數據支持，不過睇上個禮拜港股表現，就真是令人大跌眼鏡。有金融圈老友話，連近期市場上的買賣殼活動都受到影響，有很多殼主最近見銀行肯鬆手「放水」，個市又旺番，一於封盤唔賣住，情願自己玩番。
細價股近期跟隨大市開始蠢蠢欲動，有個別二、三線股股價更在短短數日就來個三級跳，金占士以為沉寂一時的買賣殼活動亦會重現生氣，殊不知原來有好多殼主竟然封盤，話要睇定啲先。
銀行放水 雄心再起
金融圈好友透露，有一位殼主早前仲好積極在市場放盤，最近突然轉軚，事關原來銀行近期對貸款好鬆手，市場水源充足，加埋個股市又升到你唔信，令呢位原本已經意興闌珊的大股東雄心再起，一於等銀行水到之後，自己搵項目注入間上市公司，趁旺市再戰江湖。
金魚缸持續多時的愁雲慘霧終於逐步散去，不過金占士聽圈中前輩話，早前大家對市況不敢太過樂觀，手上持貨唔多，在挾空倉的情況下，大市好快就一支箭咁升上去，現在個市雖然升了不少，但有錢落袋、真係賺到笑的就不多。
金占士