本文重點
早排有個國際組織話香港依然係一個購物天堂，好似發改委財政金融司司長徐林來港出席一個同經濟有關嘅發布會，都抽時間趕去銅鑼灣Shopping，就知道有幾吸引啦！
少咗行人 買嘢唔使迫
絲絲好有興趣知道，徐司長眼中嘅香港經濟係咪走咗樣？佢話唔係好覺香港經濟有幾差喎，之不過佢前晚九點幾行銅鑼灣時代廣場嘅時候，覺得明顯比以往少咗人，唔知算唔算係經濟差呢？
不過佢反而行得好開心，因為無咁多人同佢逼，可以靜靜哋專心揀禮物畀老婆，事關佢今次嚟香港行程好緊湊，真係無乜時間買嘢畀老婆喎。
絲絲雖然同徐司長唔係太熟，但明顯睇得出佢係一個好錫老婆嘅男人，睇佢三日兩夜嘅香港之行，其中一晚用咗去買嘢畀老婆就知啦。佢仲話家陣雖然講緊全球金融危機，但佢喺北京就唔多感受到，生活一切如常，唔怪得知佢拍心口咁話今年中國經濟肯定可以「保八」啦！
余絲韻