港股早段表現疲弱，因為上周五美股下跌，恒指一度跌逾400點。不過，午後印度股市漲停板，帶動亞太區股市回升，港股亦扭轉跌勢，重越萬七關。
大市係咪見咗頂，古晨一於少理，總之繼續有資金流入，一樣可以炒到出煙，尤其細價股仔更加愈炒愈烈。昨日見燃氣股有鑊氣，中民控股（00681）升14.5%，上破今年高位，惟略嫌成交未夠活躍，一旦成交配合，料可更進一步。
中民較早前以3.8億元出售福建安然49%予中國燃氣（00384），集團該項目投資總額2.5億元，除保留呢個項目的大股東地位之外，亦從呢個項目錄得淨利1.3億元，總負債比率更大幅降低至16%。中民除咗燃氣業務搞得有聲有色，日前旗下公司北京中民向持有40％權益的永恒樂彩注資2,400萬元人民幣，永恒樂彩正申請福利彩票相關業務。中民目前具有雙重概念，前景可睇高一線。
古晨