港股尋日表現反覆，早段曾失守萬七點，不過午後扭轉跌勢，倒升65點收市，報17,153點。值得留意係港交所（00388）呢隻強勢股，昨日顯著下跌逾5%，港交所可以話係大市升跌指標，港交所先跌一步，港股即使未回頭，亦唔升得乜出樣。
開源控股（01215）以前以房產業務為主，近年開始涉足熱能供應業務，持有54%權益的天津供熱，旗下3個項目的覆蓋面積逾2,100萬方米，而現時供熱面積只佔22%，仍有相當可觀增長空間。
集團今年一月中宣布發行20億股新股收購持有日照型鋼、日照鋼鐵各30%股權及日照軋鋼25%權益的譽進發展；其所持3家鋼材公司於○七年為譽進帶來應佔溢利15.6億元。若收購順利，料將於今年底前完成，古晨最怕係收購難產，否則呢單收購對公司絕對有利，公司順手轉型做資源股。近日走勢轉強，短線目標0.4元，止蝕0.275元。
古晨