本文重點
絲絲同光大控股（00165）行政總裁陳爽傾開，喺家陣金融危機席捲全球，內房股又未見起色嘅時候，佢哋今年仲要重點發展房地產基金，會唔會有啲危呀？陳總好斬釘截鐵咁話一定唔會，仲列舉咗一個親身經驗。
陳總做咗咁多年，早排諗住用啲積蓄嚟置業，打算趁家陣經濟唔係咁好，返鄉下南通用個靚價買套優質嘅屋孝敬父母，等兩老可安享晚年，點不知左睇右睇，有番咁上下質素嘅屋售價根本無乜點跌過，所謂金融危機、要做嘢擴大內需同埋保八，實質上樓價仲企硬，根本未驚過賣唔出，仍有唔少人去睇樓添。
房產基金擇優發展
陳總就用呢個例子話畀絲絲聽，有時啲嘢真係唔可以睇表面，明明大環境唔好，但啲優質項目點都唔會無人吼，所以佢哋嘅房地產基金都主要會發展呢類個價企得好硬嘅優質房地產項目，佢仲好有信心話實會有好好嘅發展前景。
余絲韻