劉心悠心口紋身尷尬護胸

劉心悠主演新片《九龍不敗》接受新挑戰，扮演一名因乳癌接受胸部切除手術、再於傷口紋身作「裝飾」的中醫師，她坦言拍攝時非常尷尬：「每次化妝都要用一塊仿人皮去纏實個胸，跟住特技化裝師會喺塊人皮上畫畫（紋身），搞到我好似冇着衫，所以好自然咁護住個胸。」
心悠的造型有型又性感。
心悠的造型有型又性感。

提到她演的富家女充滿霸氣，心悠說：「我要拍揸靚車同飛車嘅戲份，壓力好大，反而導演陳果叫我放心揸。點知有場上山飄移戲，我唔小心刮花咗架車，完全唔敢問劇組要賠幾多錢畀車主。（導演有咩反應？）佢冇鬧我，不過見佢摸住刮花個位，好似好心痛咁。」雖然今次「撞車」，但她堅稱駕駛技術不差，年前曾參加慈善賽車奪冠。另外，今次是她自內地劇《步步驚心》後，再次與鄭嘉穎演對手戲，相信是亮點之一。

化妝及髮型：Annie G. Chan、Eric Chow

只要劇情需要，心悠不介意性感演出。
  • 只要劇情需要，心悠不介意性感演出。
心悠與張晉於《九》片有感情戲。
  • 心悠與張晉於《九》片有感情戲。