伍詠薇撐蔡一傑驚走光

蔡一傑日前到加拿大多倫多舉行兩場音樂會，找來老友伍詠薇擔任嘉賓，她特意補鐘學唱歌和訂造性感歌衫，演出後她亢奮地說：「兩場演唱會好成功，觀眾熱情睇得好投入。（做乜成日撳住心口？）嚟到多倫多唔停咁食，但係愈嚟愈瘦，好驚件衫瀡落嚟，我裏面真空，只貼住兩個雞蛋仔（乳貼），山長水遠飛到嚟唱歌走光就唔好啦！」