彼思工作室招牌動畫系列《反斗奇兵4》（Toy Story 4）前日於荷里活舉行全球首映禮，除了「胡迪」湯漢斯（Tom Hanks）與「巴斯光年」添艾倫（Tim Allen）有現身之外，新加盟為新角色勁爆公爵（Duke Caboom）配音的荷里活男神奇洛李維斯（Keanu Reeves）亦有出席，唔知係咪演得多「殺神John Wick」而抽離唔到角色，奇洛繼續以殺神Look黑西裝西褲黑呔示人，甫到場即大受女Fans歡迎，爭住與他自拍！
最近奇洛因頻頻有新作大受網民歡迎而被封為「網絡男友」（Internet Boyfriend），他受訪時被問到對這個新稱號的睇法時，他表示從未聽過，又笑言稱號有點滑稽，不過多謝大家的正能量。