唐詩詠升格人妻？蕭正楠爆料：唔出奇！
藝人唐詩詠今年被指有新歡「教育界王力宏」陳思銘，剛巧她與蕭正楠、黃翠如夫婦開聖誕派對時，「預告」明年做人妻，連老友蕭正楠亦笑言：「唔出奇喎！」
唐詩詠在聖誕佳節約埋剛爆出秘婚已久的蕭正楠、黃翠如夫婦、C君與DJ女友黃天頤等開派對，並在Ig貼上四個女仔的合照，留言：「多謝你哋嘅愛，願所有人都幸福，下年呢個時侯，就變成有三位可愛人妻嘞。」留言一出，網民立即估詩詠明年有喜訊，但至截稿前她還未回覆。
「老廉蕭騷」拍住搵銀
蕭正楠、曹永廉（阿廉）、梁嘉琪昨日出席聖誕活動，講到網友笑問詩詠是否快做人妻？阿蕭笑言：「似喎，唔出奇喎！」至於翠如接受電話訪問時，問到可希望詩詠快做人妻？她說：「最緊要佢開心，想結婚又得，唔想結婚又得。」「如楠」婚後過首個聖誕，在工作中度過的阿蕭直言和婚前沒有分別，也沒有互送禮物，已經夠甜蜜。
至於阿蕭與阿廉被笑問「情侶檔」亮相？兩人繼續互窒搞笑，阿廉笑說：「冇啦，大家都知我失戀，交畀翠如啦！」阿蕭笑說：「佢都鬆晒啦，我講佢啲皮膚。」
明年他倆拍住搵食，包括到美加舉行「老廉蕭騷」演唱會，在數千人前獻唱，6月再一起拍新劇，阿廉笑說：「我唱開萬幾人，做住先啦，你練吓歌先啦。（會唔會棟篤笑？）到時再算，我哋上到台都會亂嚟。演唱會之外，我覺得仲差個廣告。」問到是否拍前列腺廣告？阿蕭笑說：「你見佢個髮型整到咁高，就知佢可以拍海狗丸啦。姚子羚之前拍節目送咗紙尿片畀佢，可以考慮吓，仲唔瀨畀人睇！」阿廉即笑說：「你幫我換尿片都幾溫馨喎！」同場的司儀梁嘉琪因病倒，聖誕也不能去派對：「我唔Lonely，有男人陪o架！『周公』陪我。」