馬德鐘重遇絕版CD
「四料視帝」馬德鐘昨日聖誕佳節都要開工，笑言與觀眾一齊過特別開心，他除了大展歌喉，又暖爸上身拖着小女孩晒冧功：「好耐冇公開唱歌，其實我唱好多主題曲，出過CD，起碼15年前，拍完《衝上雲霄》出嘅，之後仲出咗張，今日有粉絲帶嚟畀我簽名，好珍貴，買唔到，屋企仲有啲存貨。」
他感恩獲視帝後工作量增加，並表示想約「視后」李佳芯一同慶祝：「屋企都冇特別慶祝，不過今日見阿仔（馬在驤）偷偷整蛋糕，唔知係咪今晚食呢？（阿仔好感動？）全家都好感動，用咗咁多年先證明到畀老婆睇冇轉錯行，希望下年有更多好角色。」又說感恩TVB頒獎給他，問到再拍要加少少酬勞？他說：「唔關攞獎事，正常都要加少少，跟番通脹。」