歌手吳若希昨日出席活動時表示今年只會參加無綫的音樂頒獎禮，問到最大對手是否同門的菊梓喬？她笑指對方是「一姐」，之後說：「我唔會視佢為競爭對手，係一個同行夥伴。佢係一個好努力嘅女仔，如果你了解佢嘅背景，就知一個女仔花咁多時間去追夢係好難得，佢攞獎我好戥佢開心。（你以前都係一姐？）我依家都係，喺屋企。（唔係你個女？）佢係我Boss。」她表示平安夜帶囡囡到林盛斌家中慶祝，笑指小朋友中只得兩個男仔，非常「搶手」。
