囡囡唔肯飲奶陳柏宇頭都大埋
歌手陳柏宇（Jason）前晚平安夜於Star Hall開騷，請來好友DJ Donald任嘉賓，太太符曉薇（Leanne）與3個月大的囡囡Abigail則未有捧場。當Jason獻唱《天使的禮物》時，大螢幕播出囡囡的可愛照片，這位廿四孝老竇睇到忍不住說：「I miss you！」之後唱至近凌晨12時與歌迷倒數迎接聖誕節。
完騷後，Jason受訪時陰聲細氣，表示要為之後的場演出養聲，講到聖誕節開騷，未能與囡囡首度佳節可有失落？他說：「又未至於失落，總有機會同佢一齊經歷嘅。」他指囡囡近日抗拒飲奶，令兩公婆束手無策，至於可有影響Leanne的情緒？他說：「暫時都OK。（有冇送聖誕禮物畀老婆？）有，反而未收到老婆嗰份喎！」
