難忘「不平安夜」張振朗嫌謝東閔剋住
藝員張振朗、謝東閔及何雁詩昨日分別出席聖誕活動，張振朗指最難忘是去年聖誕，當時他被商場飛下來的帳篷擊中腰部受傷，他笑說：「呢個一定係我一世人最難忘嘅平安夜，同埋以後聖誕都唔敢再約謝東閔，驚佢剋住我。」難怪問到出席另一活動的謝東閔時，他亦說：「睇張振朗想點啦？可能去BBQ、喺屋企搞大食會囉！」
何雁詩爆男友送禮未畀錢
至於何雁詩表示與男友鄭俊弘（Fred）剛從美國開騷回港，問她為何在當地演唱時落淚？她說：「因為開呢個騷有好多波折，男友都話經過今次演出感情又增進咗。」問她收了Fred甚麼聖誕禮物？她笑說：「佢叫我自己買咗先，我喺當哋買咗支結他，所以佢依家欠我幾百蚊美金。（你送咩畀佢？）買咗條頸鏈。（要佢掛住你？）冇呢個意思。（你口不對心？）見得太多，唔使掛喇！」
