郭富城預告湊女出巡

藝人郭富城昨日出席聖誕活動，將有兩日假期的他，有意帶囡囡外出感受節日氣氛，更一臉慈父樣說：「囡囡依家手上拎住食物，都會餵我食，好Sweet。」問可有幫囡囡儲蓄？他說：「佢出世時好多長輩畀利是，我幫佢儲起晒，冇拆，等佢大個就畀番佢。依家唔會專登買名貴衫畀佢，小朋友簡單啲好，呢樣嘢同太太係一致。（幫囡囡儲首期買樓？）第時世界係點都唔知。」
城城表示已買好禮物給妻女。
城城表示已買好禮物給妻女。

問何時公布太太喜訊？他未有正面回應：「屋企再添成員係開心事，呢排好多人祝福我，呢樣嘢等天安排，大家留意我太太個肚啦！」

城城前晚帶隊出席澳門影展，為新片造勢。
  • 城城前晚帶隊出席澳門影展，為新片造勢。