何佩瑜恨嫁公開求偶
現年29歲的藝人何佩瑜（Jeana）昨日為「第93屆香港結婚節暨聖誕婚紗展」行騷，大晒33D上圍，年初宣布回復單身的她，恨嫁恨到出口：「好恨嫁，依家係求娶階段。（冇拍拖？）唔係冇拍拖，係冇拖拍，有人追但唔啱，唔想拍散拖，想穩定，一拍就諗結婚。」
明年踏入30歲的她，指身邊朋友全部結婚生仔，已變成大眾契媽，有多名契仔女，本身鍾意小朋友的她更母愛大發。她自爆拍《神探大戰》時兩度爆喊，第一次是獨自駕車時，突然爆喊，可能對自己要求太高；第二次是電影剛拍完，約朋友唱K時狂喊：「一嚟部戲拍完，個人Relax紓發咗壓力，二嚟全場朋友生晒小朋友，一對對Couple同我唱歌，得我一個單身，連男友都冇，冇倚靠，潛意識戥自己焦急。」她透露聖誕有人約開P，但未知要否開工。