吳業坤撩台妹扮矜持

吳業坤氹得台灣組合ALL-RANGE成員送吻。

以紳士造型示人的吳業坤，直言要令同場的台灣女生留下好印象：「KT教我同台灣女仔講『可不可以加你的Line（即時通訊軟件）？』要小心，唔可以讀錯，如果唔係會好尷尬！（有冇抄牌？）唔夠膽，要點到即止，費事覺得香港男仔猴擒。（怕傳緋聞？）傳唔緊要，破壞香港男仔形象就唔好啦！」提到聖誕將有一個小假期，他說：「前排同阿媽去倫敦旅行，佢又陪我去法國工作，佢去旅行去到上咗癮。」

而ALL-RANGE表示第二次來港，大讚香港男生靚仔識打扮，與台灣男生感覺不一樣。問到會否跟港男談戀愛？她們笑言要看看是否有機會認識。

張彥博考慮個唱扮女人

而張彥博透露演唱會籌備得如火如荼：「得三星期去籌備，可以話係Mission Impossible。」提到日前在社交網晒出女裝造型照有極大回響，他直言沒想過：「臨近聖誕開心笑吓咪好，我又冇偶像包袱，見到咁多留言好開心。（網民話你似宋智孝！）宋智孝靚好多，冇掉爛電話已經好好。（演唱會以呢個造型現身？）如果網上留言再多啲，我會以呢個造型畀大家睇，找數！」

吳業坤托張彥博及唐嘉麟大腳玩遊戲。

ALL-RANGE唔介意與港男拍拖。