王敏奕捱鬧 拒提「衰嘢」

藝人王敏奕（Venus）與唐文龍昨日參與義工活動，為長者清潔家居。Venus受訪時講到早前被Rapper「火炭麗琪」發文鬧爆，指她拆散前男友戀情，她聞言即多次落閘唔答：「今日做有意義嘅嘢，唔提啲衰嘢。（識得對方？）唔識！但唔係事實嘅嘢就冇人理，希望大家做番自己覺得啱嘅嘢，開開心心！」被鬧覺得好無辜？她無奈地說：「網上嘅嘢，好多人都好無辜o架啦！OK嘅，有好多人都好支持、了解我，但唔好因為側邊嘅嘢影響生活。（有聯絡前男友？）只可以回應就係網上無憑無據嘅嘢唔好亂信。」