江若琳開口要Oscar畀驚喜
歌手江若琳（Elanne）與前組合Bliss成員、「生煎包王」蕭潤邦（Oscar）將於下月23日結婚，昨日兩人拍拖出席活動，全程十指緊扣晒恩愛。婚期將至，Elanne坦言開始緊張：「之前仲懶懶閒，依家仲有一個月，開始派帖。」Oscar即笑言自己對婚禮提出意見即被Ban，問到可有為此嘈交？Elanne表示大家為婚禮有共識，而Oscar說：「如果開心事令自己唔開心，會更加唔開心。」Elanne即說：「所以你話事啦！」卻遭反駁：「你又扮嘢！」互窒放閃！
Elanne希望婚禮有驚喜，並出口術明言希望未婚夫有歌舞表演，但Oscar講明驚上台：「今日講嘢已經手心出汗，唱歌留番畀佢。」提到生煎包生意，他指很多朋友建議衝出香港在外地開店，但他希望先做好香港店，並指男人身邊有位懂得氹人開心的女人很重要，大讚未婚妻最叻下廚氹他開心。