黃宗澤落嘴頭氹吳啟華拍飛虎

經營食肆的黃宗澤，否認搵吳啟華傾生意。

Bosco及苗僑偉前晚趁不用開工，即相約吳啟華於尖沙咀飯局密密斟，同行更有苗僑偉太太戚美珍及數名男友人，一行人逗留至晚上11時許才離開。

傾到出門口

身穿鮮黃色外套及戴帽的Bosco極為搶眼，見他與苗僑偉夫婦等於門外仍傾個不停，手持大袋外賣的苗僑偉還講到指手畫腳，未幾穿綠色T恤的吳啟華步出，眾人又再於街頭雞啄唔斷，苗僑偉其後更拉着吳啟華咬耳仔，傾到笑笑口，之後才分道揚鑣往取車。

事後記者聯絡Bosco，談到相約近年於內地發展飲食業的吳啟華見面，是否傾生意？他說：「唔係傾生意，普通食餐飯啫，呢排同苗僑偉搞緊《飛虎2》嘛，咪叫埋啟華一齊嚟玩吓囉，睇吓佢有冇興趣！」

黃宗澤與苗僑偉約吳啟華食飯，戚美珍都有出席。	黃宗澤	拎住外賣的苗僑偉，與吳啟華在街上繼續傾。