莫文蔚見暈老公煲愛心粥
歌手莫文蔚（Karen）為慶祝入行25周年而推出首張復刻黑膠碟，昨日她出席發布會，更預告明年於香港開騷，鍾情戶外場地的她直言等待批期。她表示今次共發行4張黑膠碟，另設250套Box Set，早於預售時全數售出，問怕不怕有人炒賣？她說：「頂盡都係得250套，唔係炒得好多，但相信真係想收藏嘅人先會買。」
提起與老公結婚7周年，Karen冧爆稱今年最難忘：「最近周圍飛開騷，一放鬆就好攰，有日見暈瞓喺屋企，老公即刻上YouTube學煮愛心粥，好好味！（佢有冇叫你唔好做？）有呀，但唔得囉！」