陳自瑤望王浩信冧莊視帝

藝人陳自瑤(Yoyo)昨日上電台為玄學節目錄音,提到最近陪囡囡去旅行,她表示因為老公王浩信剛入《解決師》劇組,故沒有同行:「我之後要拍劇,所以同囡囡去先,等嚟等去就去唔到,都有一家Plan去旅行。」講到王浩信今年有望憑台慶劇《兄弟》蟬聯視帝,她笑言有其他入圍者,加上《兄》劇還未播出,仍是未知之數:「但如果真係冧莊,自己都會好開心。」

問到可有向師傅請教維繫婚姻的貼士?她笑言師傅曾經講過如果想咩都好就要養貓,但因為家中已養一隻大狗,加上她有鼻敏感,所以一直考慮中,又坦言感情方面一向都好好,自言比較着重事業,希望作多方面嘗試。