港姐出身的無綫娛樂主播林伊麗（Michelle）去年與金融才俊Henry Chow共諧連理，近日再傳好消息，她上載胎兒超聲波照並留言：「我們要做Papa & Mama了，最先知道的肯定是Toffee（愛犬），因為牠前陣子一直要躺在我的肚子上。收到很多朋友的祝福，謝謝你們。」
Michelle接受電話訪問時分享懷孕點滴：「依家啱啱夠3個月喇，體重跌到入行以嚟新低，事關一直嘔得好犀利，又唔係好食到嘢，所以暫時請咗假。」並透露想嘗試順產：「唔知得唔得o架，試吓啦！（Toffee呷醋？）佢唔會，其實我未知自己有咗嘅時候，佢突然對我個肚好有興趣，成日黐住我，就係佢嘅反應令我Alert（警醒），後嚟就證實真係有咗BB。」