張名雅驚喜之旅影水着
前港姐張名雅育有一子Mario，早前宣布懷上第二胎，孕期已進入第32周。腹大便便的她日前偕丈夫到芭堤雅旅行，並拍下大肚泳裝照，手腳依然纖幼。她在社交網分享照片，宣布腹中的細仔取名Milo：「仲有幾日就8個月，今次冇帶埋Mario一齊飛，如果大肚仲帶埋佢一齊，都幾吃力！」
她受訪時說：「預產期約12月中，所以我12月頭生日應該唔會特別慶祝喇！呢個係Surprise trip（驚喜之旅）， 我都係出發前先知道，請假都請唔切。其實依家都有照常開工，只係拍唔到劇啫，旅行返港後我都參與無綫新劇《是咁的，法官閣下》宣傳。」