大肚亞男陪剪片聽歌 祖藍胎教：BB出世就識唱！

王祖藍與大肚李亞男晒恩愛放閃！

王祖藍與太太李亞男、毛舜筠、王菀之、方力申等前晚為歌舞賀歲片《你咪理，我愛你！》舉行煞科宴，祖藍讚演員演出很搞笑，保證不會是爛片，好似方力申唱歌直情可以攞最佳男歌手獎，片中多達六十人客串，但每人也有自己的單元故事。問到剪片難度高嗎？他說：「唔難，好似剪MV咁。」而亞男因佗B未能參與演出，但有陪老公剪片支持。祖藍笑說：「夜晚逢剪片，BB聽到音樂就好似跳埋一份咁，佢熟晒啲歌，一出世就識唱。」亞男笑說：「BB可能聽咗成萬次，次次剪片都有睇。」

毛舜筠天生識唱老歌

祖藍不擔心賀歲片對手強勁，認為香港幾十年也沒有一套本土粵語歌舞片，認為是新戲特色，又指內地未必同步上映，最希望在內地上映原音版推廣粵語電影，但因是粵語歌舞片及兩性喜劇，題材踩界下難度頗高，但也不擔心內地票房，因主打本地市場。他透露因失聲押後演唱會的旗下歌手林欣彤正休養中，養好病將來可再開演唱會。

毛舜筠片中有七個造型、四個故事，包括50G澎湃身材，又與曾志偉第七次做「老夫老妻」，她笑說：「唔使跳老舞、唱老歌啫！我爸爸都係唱粵劇，由細聽大，天生識。」而王菀之竟然為電影唱歌下苦功，她笑說：「唔同平時唱歌，演唱跳唔容易，係拍過最大挑戰嘅戲，好開心、好滿足。」

毛舜筠（左）與王菀之笑談拍攝點滴。

電影舉行煞科宴，王祖藍、毛舜筠、王菀之及方力申等飲得杯落。