胡杏兒抱重磅仔呻攰

藝人胡杏兒前晚與林德信（Alex）到中環擔任開幕嘉賓，愛滑雪的她希望帶剛一歲的兒子Brendan賞雪景及「放電」，下月39歲生日的她被問會否親子看雪景慶祝？她說：「會去馬爾代夫旅行慶祝，亦會係囝囝第一次旅行，我都好期待。」囝囝在生日會上深受叔叔姨姨的愛錫，她卻呻整日抱住囝囝影相辛苦：「好似打咗場功夫，佢依家25磅重，醫生話係重磅B！」談到陳展鵬與單文柔婚禮在杏兒丈夫的餐廳舉行，問有否催他們生仔？她說：「傾開偈佢哋好似Ready喎！都係問番佢哋啦！」